Leikskólinn Eyrarskjól opnaði formlega 11. september 1985 og formlegt leikskólastarf hófst 17. september. Í fyrstu var ein dagheimilisdeild og tvær leikskóladeildir. Skólastarfið hefur tekið ýmsum breytingum í gegnum tíðina og þróast eftir stefnum og straumum eins og gengur. Við höfum unnið eftir Hjallastefnunni síðan í ágúst 2003 og nýtum okkur alla þætti úr þeirri námskrá auk þess að vinna eftir aðalnámskrá leikskóla, með sérstaka áherslu á markvissa málörvun og stærðfræði. Við leggjum líka mikið upp úr hreyfingu og hollu fæði.

Í dag tölum við um kjarna í stað deilda, við erum með Rauða kjarna þar sem yngstu nemendurnir eru, Blái kjarni er með drengi 2-5 ára og Græni kjarni er með stúlkur 2-5 ára. Það sem stendur okkur fyrir þrifum er starfsmannaðstaða og það er á óskalista okkar að byggt verði við skólann í náinni framtíð.

© 2016 - Karellen